resensi novel sunda nenden (panganten)

Nenden Siti Nursusanti

XI IPA 5

RESENSI NOVEL SUNDA

Jejer buku       : Panganten

Panulis            : Deden Abdul Aziz

Pamedal          : PT Kiblat Buku Utama

Citakan           : Citakan ka-1, Shafar 1424 H./Agustus 2003

  Citakan ka-2, Jumadil Akhir 1431 H./Juni 2010

Kandel buku   : 56 kaca

Novel Panganten ngadongengkeun krisis jiwa nu karandapan ku kaom rumaja. Dina galeuh-galeuh ieu hasil karancage literer Deden Abdul Aziz teh ngasongkeun surah nu mandiri kana naon rupa nu patali jeung jodo, pati, bagja reujeung cilaka.

Dina ieu novel urang tepung jeung Rinrin minangka tokoh utamana. Kabogohna, anu ngaranna Iyang alias Gumilang teh maot sanggeus nyebutkeun hayang kawin teuing ka saha. Si Iyang teh maotna gara-gara OD di Cipanas. Leungiteun ku Iyang, terus layeut jeung Ben. Ben teh babaturan sakamarna Iyang, tapi teu saakrab basa jeung Iyang. Terus dalit jeung Suminar alias Lisa Kudrow anu pada-pada resep ngalangeu bari nyingkur di Partenon. Partenon teh nyaeta gedung can jadi nu teu diteruskeun dibangun ku nu bogana. Di Partenon teh Rinrin jeung Suminar sok ngaroko jeung nguyup arak. Rinrin jeung Suminar teh layeut pisan, nepika Rinrin teh sok diajak maok ka unggal Mall. Saking layeutna Rinrin jeung Suminar teh sok sare bareng di Partenon. Tapi Suminar ge maot deuih sanggeus nyebutkeun hayang kawin. Ari maotna teh ku lantaran aborsi, da keur kakandungan teuing ku saha. Rinrin dua kali kaleungitan jelema ku cara nu sarua. Maot ku cara nu teu wajar. Gumilang jeung Suminar. Duanana paeh sabada nyebutkeun rek kawin. Dina pamustunganana Rinrin ge hayang kawin teuing ka saha jeung duka ku naon. Nu sidik, sanggeus Rinrin nelasan maneh tepi ka hanteuna, manehna ngarasa geus laksana papangantenan.

Kalewihan Novel :

-          Novel  Panganten teh mere nyaho ka urang yen kahirupan urang teh geus di atur ku Nu Maha Kawasa. Jodo, pati, bagja, rejeung cilaka teh geus aya nu ngatur. Teuing rek tepi iraha urang hirup di dunnya teh, teuing saha jodo urang teh, teuing kaburu urang kawin atawa henteu. Kabeh nu ku urang di lakukeun di dunnya teh saacana geus di atur ku Nu Maha Kawasa Allah SWT.

Kalemahan Novel :

-          Novel panganten teh loba kata-kata kasar jeung jorok, jadi teu pantes lamun di baca keur budak leutik mah.

Manfaat Novel :

-          Para Rumaja bisa ngabedakeun mana kalakuan anu hade jeung mana kalakuan anu goreng.

-          Urang bisa sadar yen kahirupan urang teh geus aya nu ngatur, jadi urang kudu terus loba bersyukur.

Artikel Lainnya