Resensi Novel Sunda - ku Difa Dini Asfari

Difa Dini Asfari Senin, 20 Februari 2012 4 comments


 

Resensi Novel sunda
  •          Jilid buku                  : Ochank
  •          Judul buku                : Ochank
  •          Pangarang nu nulis  : Tatang Sumarsono
  •          Pamedal                   : PT Kiblat Buku Utama
  •          Medalna                   : Desember 2007
  •          Kandel buku             : 52 kaca
  •          Ringkesan Carita      :
 
Icang Sudrajat, ngaran aslina mah . Ngan geus tenar sok disebut Ochank . Moal tepi ka salah nuduhkeun, mun aya anu nanyakeun: mana ari Ochank. Rek nanya ka kolot, rek nanya ka budak, pasti bakal dituduhkeun ka anu eta boga ngaran, budak lalaki umur dua welas taunan .
Ochank teh kaasup budak anu bageur , teu kaasup budak carekeun. Eta pangna tara aya nu moyokan ge, malah ka manehna rea anu resep. Batur ulin na ka itung loba, teu lalaki teu awewe . Ngan nu paling dekeut jeng manehna mah Hendra jeung Ninon.
Ochank teh miboga karesep ngarang. Dina hal eta, leuwihna ti babaturan sakelasna teh. Ku guruna oge sok mindeng dipuji. Calon pangarang, cenah. Tulisanna ngalelenjeur jeng genah dibaca, saur Bu Yustini, bari dina ngagambarkeun tokoh-tokoh na karasa hirup. Karangan Ochank mindeng dimuat dimajalah dinding.
Dina hiji poe si Ochank ulin sasapedahan jeung Hendra ka Perumahan nu keur dibangun.  Diperumahan nu keur di bangun teh aya barudak anu sok biasa marengbal dina unggal sore, Sabot keur guntreng, barudak anu keur marengbal tingcorowok, “Aya oray,aya oray!” Katempo tingderegdeg ka sisi lapang. Aya anu mulung heula guguruntulan taneuh garing, aya anu mawa awi. Hendra jeung Ochank ge rurusuhan nyampeurkeun kadinya, eta oray teh oray hideung nu gede pisan, ochank nyarek mun oray hideung eta dipaehan, Tapi budak anu mawa awi teh kalah ngahabek satakerna, sabot oray ngaleor kana suku Ochank. Atuh suku ochank geutihan da awi na aya pakuan.
Peutingna, Ochank ngadadak jadi panas tiris, Isukna manehna teu bisa indit ka sakola, lantaran sukuna ngabareuhan urut di teunggeul kamari, mani bukeng.
Diimah, ngan kari manehna sorangan. Indungna geus ka pabrik, ari adi na geus arindit ka sakola, Bapa na digawe diten ua na. Manehna ngarasa cuang-cieung, da puguh taya sasaha.
Manehna ngalempreh, Lila-lila mah rep weh sare.
Teuing sabaraha lila ngarejepna teh, da manehna teh terus hudang deui. Pang kitu teh karasa aya nu nyampaan kana lebah suku anu bareuh . Barang direret singhoreng aya jelema anu keur dina palebah tunjangan manehna.
Jelema eta teh ngaranna Mang Santa , manehna ngaku yen maneh na datang kanggo nganuhunkeun ka ochank kusabab ochank atos nulungan anakna, basa ditanya saha anakna teh, si emang nyebut anakna teh nyaeta oray hideung nu kamari diberik-berik di lapang doser tea. Memang teu asup akal, tapi si emang eta ngabuktikeun mun manehna teu bohong, singkat carita ochank dibawa ka dunya si emang, nya dunya siluman mun ceuk basa urang mah.

Artikel Lainnya

4 Comments

Harap koment yg baik ya...

Back to Top